Noticias

07-12-2018

O Concello abre a inscrición no programa “Robótica para comerse o tarro”

O Concello de Fene, a través da Concellería de Benestar Social, oferta o curso “Robótica para comerse o tarro”. Está dirixido a rapaces e rapazas de entre 13 e 16 anos, a participación é completamente gratuíta e a inscrición está aberta. Pode formalizarse por tres vías: nos centros educativos do municipio –ata o 12 de decembro nas respectivas secretarías-; no whatsapp 670 034 625 ou no Centro Municipal de Servizos Sociais –Avenida do Mar, bloque 1 San Valentín-. As prazas están limitadas a 20 e para iniciar a actividade requírese un mínimo de 10 participantes.

07-12-2018

Alcalde e concelleira de Ensino visitan o novo comedor escolar do CEIP O Ramo

O alcalde, Gumersindo Galego, e a concelleira de Ensino, Ana Novo, visitaron o novo comedor escolar do CEIP Plurilingüe do Ramo tras as obras realizadas polo Concello de Fene. Na mesma, estiveron acompañados pola xefa de estudos, Lucía Rojo. Nesta liña, o alcalde destacou que o acondicionamento deste novo espazo permitiu dar resposta ó significativo incremento do número de usuarios do comedor experimentado nos últimos seis anos, que pasou dos 4 ata os 68 do presente curso. Deste xeito, o anterior habitáculo, de tan só 37 metros cadrados, quedábase ben escaso e de aí a actuación realizada. Nela investíronse 10.782,64 euros con cargo ás arcas locais.

Fene convida á veciñanza a conmemorar o 40º aniversario da Constitución española

O alcalde de Fene, Gumersindo Galego, presidirá este xoves, 6 de decembro, o acto institucional de conmemoración do 40º aniversario da Constitución española no municipio. Un acto que terá lugar a partires das 12,30 horas no salón de plenos da casa consistorial. Nesta liña, o Concello quere invitar a vecinos e veciñas a sumarse á celebración do aniversario da Carta Magna, neste número tan redondo, acompañando á corporación no acto.


Arrancan as obras de mellora do camiño do Cádavo ás Chancas cun orzamento cercano ós 74.000 euros

O alcalde, Gumersindo Galego, informou esta mañá do inicio das obras de adecuación e mellora do camiño do Cádavo ás Chancas, na parroquia de Perlío. Unha intervención na que se están a investir 73.771 euros procedentes do POS+ 2017 e que estará rematada antes de que acabe o ano.


O Concello tramita as solicitudes para optar ás prácticas en empresa que promove a Deputación para persoas desempregadas

O concelleiro de Formación e Emprego, Juan José Franco, informou esta mañá de que o Concello tramita as solicitudes para participar nas prácticas profesionais en empresa relacionadas coa formación académica ou laboral que promove a Deputación da Coruña dentro do Proxecto EIXO_Estratexia de Inserción Xove. Prácticas dirixidas a persoas desempregadas menores de 30 anos que se realizarán nas instalacións das empresas colaboradoras, cunha xornada laboral estipulada pola empresa colaboradora e o seu convenio colectivo sectorial ou empresarial para o posto a desempeñar.


Axenda

  • 09-11-2018

    Exposición Pinto&Chinto 25 anos

    Museo do Humor

    O Museo do Humor de Fene acolle até o vindeiro 31 de decembro unha mostra que repasa a traxectoria do dúo de humoristas gráficos formado por David Pintor e Carlos López, máis coñecidos como Pinto & Chinto. 

    Máis info
  • 07-12-2018

    Inscrición no curso de Robótica para comerse o tarro

    Benestar e igualdade

    A inscrición pode formalizarse por tres vías: nos centros educativos do municipio –ata o 12 de decembro nas respectivas secretarías-; no whatsapp 670 034 625 ou no Centro Municipal de Servizos Sociais –Avenida do Mar, bloque 1 San Valentín

    Máis info

Tamén en fene.gal